عربيتي فيات ١٢٧ حصل فيها حاجه فجآة بقت بتقطع وبتنتش كده وتحس ان في حد بيشدها من ورا وانت طالع وفي كل الغيارات بتاعت الفيتيس طبعا اول حاجه جت في بالي البوجيهات روحت مغيرها وكمان غيرت طقم الكهرباء اللي هو ابلتين وكوندينسر مشيت شويه وظهر العيب تاني وبشكل اكبر في طبعا واحد في البنزينه فتي فتوي صريحه كده وقالك غير موبينه الكهرباء ديه هي اللي بتخلي العربيه تقطع لما تسخن والدليل حط عليها فوطه مبلوله وفعلا العربيه مشيت شويه وظهر نفس العيب بصوره افظع طبعا انا كنت هتجنن لاني كده مغير بوجيهات وابلتين وكوندينسر وموبينه كهرباء بحوالي ٢٠٠ ج
ولسه في نفس المشكله
اخر حل وصلتلوا وهو الحل السليم لمشكله التقطيع والنتش ديه اني اروح لواحد بتاع كاربيراتير متخصص فيه لان الكاربيراتير ده هو قلب العربيه وروحها ومش شغلانه الميكانيكي لازم تشوف واحد متخصص في الكاربيراتير وفعلا فكه ونضفه كويس وظبطه وغير مسمار فيه وركبه والعربيه رجعت زي الفل ومفيش اي مشاكل خالص الحمد لله
ليست هناك تعليقات:
إرسال تعليق